被拯救故事：前主人因屋企人病咗，無能力再照顧我，所以喺 2018 年 11 月將我送去愛協。
領養紀念日：應該因為我太可愛啦，喺2019年2月被愛協獸醫私有化咗，我又再次有個家喇。
薪酬：所有美食，但我會好小心，唔會畀自己中年發福。
工作最大樂趣：收到粉絲送畀我嘅美食、熱情抱抱同幫我搓肚仔。

被拯救故事：一個寒冷既夜晚，媽媽匿埋喺青山邨一個大溝渠入面，準備生我同我六個兄弟姊妹，可能媽媽流浪生活太辛苦，身體好虛弱，生咗我哋之後就離世。嗰晚義工急急將我哋送去唔同既暫養家庭照顧，咁我就遇上咗Esther媽媽，好可惜其中四個兄弟姊妹身體太弱，捱唔過去，但我就好好彩，身體越嚟越強壯，後來Esther媽媽都唔捨得我，仲正式領養咗我，一轉眼我已經12歲啦。
領養紀念日：2011年11月15日
薪酬：零食、同爸爸媽媽相處既時間
工作最大樂趣：可以同爸爸媽媽一齊返工，對住一日就最開心

被拯救故事：愛協督察喺觀塘上配水庫遊樂場救咗我，帶咗我返愛協，我就遇到媽媽啦。佢話我係全層最乖嘅狗狗，加上我又成日望住佢，佢終於忍唔住領養咗我，因為我有少少怕羞，初初都要啲時間先適應到愛協同事，但而家好習慣喇，仲成日喺媽媽工作樓層周圍搵人傾計。
領養紀念日：2022 年 5 月 25 日
薪酬：零食！零食！零食！不惜一切、食埋今日先減啦 !
工作最大樂趣：迷倒萬千少女，呃飲呃食 。

被拯救故事：好驚險呀，我差啲就被人送咗去狗肉市場，好彩東莞有個義工將我救出嚟，我先保住條命仔咋，後來仲帶咗我去香港，我就遇到我媽媽，佢本身諗住暫託我，點知又唔捨得，就正式領養咗我啦。
領養紀念日：2018 年 9 月
薪酬：零食!
工作最大樂趣：一要求同事請我食零食、閒時喺媽媽櫈底瞓覺

被拯救故事：爸爸媽媽有日帶埋佢兩個小朋友去領養中心，想睇吓邊隻毛孩有能耐應付到兩個細路，當其他狗狗不停咁吠時，我就靜靜咁坐埋一邊，媽媽離遠見到我咁乖仲笑到見牙唔見眼咁，就試吓帶我出去散步，我當然要把握機會展示我嘅非凡魅力，結果就順利脫穎而出喇。
領養紀念日：2021 年 11 月
薪酬：同事幫我搓肚仔。
工作最大樂趣：可以同媽媽出街，因為我要保護佢。

被拯救故事：前主人因為我患有高度傳染性嘅「犬病毒性疾病」 (parvovirus disease)而唔要我，好彩愛協福利部收留咗我。
領養紀念日：2022 年 11 月
薪酬：任何食物、玩具，我都無任歡迎，仲要大量攬攬抱抱。
工作最大樂趣：擴闊社交圈子，品嘗人間美食

被拯救故事：我係哥基犬同中國冠毛犬嘅混血兒，呢個組合好少見㗎，所以我都覺得自己超級上鏡。我親生媽媽嘅主人本身計畫帶佢一齊去新加坡，點知突然發現媽媽原來大咗肚，肚入面有我，同埋兩個妹妹。媽媽主人可能因為經濟原因，決定等我同妹妹係貨機倉出世後就交畀愛協，只帶媽媽去新加坡。好好彩，我喺愛協遇到新主人，Loki仲做埋我大佬添呀。
領養紀念日：2022 年 12 月 8 日
薪酬：攬攬錫錫。
工作最大樂趣：日日賣萌去俘虜同事個心。我做毛孩嘅宗旨係「以萌樣征服世界」！

被拯救故事：我喺元朗出世，喺倉庫長大，後來有義工將我、我嘅親生兄弟姊妹同媽媽一齊救咗出嚟。當我大約6月個大時，我依家嘅爸爸媽媽去咗愉景灣探我同我當時既暫託父母，因為我太靚仔啦，爸爸媽媽對我一見鍾情，决定帶我返屋企，就係咁，我终於揾到個幸福嘅家。
領養紀念日：2020 年 7 月 21 日
薪酬：零食、溫柔摸摸。
工作最大樂趣：美女同事摸摸同抱抱。

被拯救故事：我估前主人可能一時衝動買我返屋企，因為之後佢哋好快就離開香港，唔要我啦，當時我仲好細個咋。
領養紀念日：2016 年 3 月 1 日
薪酬：愛、零食。
工作最大樂趣：一定係收到粉絲送嘅零食，不過如果我唔洗返工，就最鍾意去行山整污糟自己！